Abrimos a 2º tempada cunha das nosas referentes e, xunto a ela, cun episodio en galego que nos fai especial ilusión 💙 Brigitte fai máis sinxelo e accesible o complexo, e aparece no podcast como a pílula vermella de Matrix ♦️ para axudarnos a ver e comprender a realidade, especialmente a da construción das identidades subalternas, esas que ficamos derramadas pola base e as marxes das pirámides sociais, esas ás que nos colocan unha diana vermella a pesar e por riba de nós mesmas. Viaxamos dende as chonis e poligoneras ata as marimachos e académicas, explorando procesos como o ascenso de clase, a capacidade transformadora da colectividade ou as transformacións persoais dende a violencia e a depresión, aos procesos de autocoñecemento e resiliencia. Citando a Brigitte (que ela ben nos ensina que citar constrúe redes de existencia): -o sistema non é unha forma é un método- e este episodio contén claves para colocar a nosa enerxía onde poidamos crear outras posibilidades de vida, máis cálidas, máis habitables. Ofrecémosvolo coa pílula na palma da man para que elixades se queredes facer con nós esta viaxe.

Lee más de Brigitte Vasallo: