‘Sólo son peces’ filmaren fotograma.

Gaurko saioan ikus-entzunezko ekoizpenak jorratu ditugu begirada feminista batetik. Horretarako Setem Hego Haizeak ondutako  “Indarkeria kontsumitzen dugu? Indarkeria matxisten eta kontsumoaren inguruan ezagutza sortzeko eta ikasteko prozesu kolektiboa” txostenaren bigarren partean oinarritu gara eta ikus-entzunezkoetan zentratuta hainbat eduki izan ditugu gurean.

Hasteko Setem Hego Haizeako kideak diren Ainhoa Bilbao eta Ania Otaola izan ditugu gurekin, txostenaren eta Balioen Faktoriaren inguruan hitz egiteko.

Ondoren Sally Fenaux Barleycorn nazioarteko gidoilari, zuzendari eta aholkularia elkarrizketatu dugu eta amaitzeko Al Borde Films ekoiztetxe feministara gerturatu gara, horren partaide diren Paula Iglesias Rodríguez eta Marta Gómez Calderónen eskutik.

Hona hemen elkarrizketatuek zein partaideek utzitako serieen proposamenak: Random Acts of Flyness, Black earth rising eta I may destroy you.

Eta saioa girotzeko emakumeek sortutako soinu bandak edo horietarako sortutako kantak entzun ditugu: Sona Jobarteh-en Jarabi, Pinar Toprak-en Echoes of Battle eta Maite Arroitajauregik eta Arantzazu Callejaren abestia Akelarre filmerako.

Segi entzuten eta irakurtzen: