Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodiguezen Los últimos románticos (Seix Barral, 2020) eleberrian oinarritutako pelikularen errodajea amaitu berri-berritan iritsi zen Birara, Urdin Elektrikora: “Miren Gaztañaga naiz, aktorea. Momentuz horra arte, gero gerokoak".
Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina Gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.
Prekarietatea, abortatzeko eskubidea edota euskarafobia dira, besteak beste, Ane Lindaneren bakarrizketen ardatzak. Nerabe zenetik militatzen du, eta umorea du egun borrokarako arma nagusia.
Bertsolari gazte feminista heterodisidenteen minak eta aldarriak eraman dituzte oholtzara Haizea Arana, Oihana Arana, Aner Euzkitze eta Leire Vargasek eRRe emanaldian.
Hablamos largo y tendido con la artista de los proyectos y temas que están presentes ahora mismo en su vida: su cuarto disco de rap, Post-Mortem; su oficina de representación, Mimosa Bulegoa; la maternidad, el euskera, Shakira y el feministómetro.
La Furiarekin luze hitz egin dugu bere bizitzan presente dauden hamaika proiektu eta gairi buruz: Post-mortem bere laugarren diskoa, Mimosa Bulegoa, amatasuna, euskara, Shakira eta feministometroa.
Hainbat taldetan aritu ostean —Napoka Iria, Perlak, Dual Split…—, bakarkako proiektua abiatu zuen 2017an Miren Narbaiza musikariak: MICE.
Trabestismoaz eta drag queen kulturaz mintzatu gara Urdin Elektrikoan belaunaldi eta hiri ezberdinetako artistekin. Albina Stardustek eta Yogurinha Borovak amankomunean dute normaltasun ereduak apurtzeko grina eta performancearen bidez iraultza soziala egiteko apustua.
Heriotza gestazionalaren tabuak eragiten duen sufrimendua islatzen du 'Karena'k, Alaine Agirreren azken eleberriak. Baina Agirrek ez du idazten diskurtso bat aldarrikatzeko, baizik eta bizitza digeritzeko. Eta hala, gorputzetik abiatuz, irakurleekin konektatzen du.
30 urte daramatza Afrika Bibangek oholtza gainean. Txikitan izan ez zuen erreferentea bilakatu da gazte arrazializatu euskaldunentzat. Afrika ez da izen artistikoa, jaiotzekoa baizik: bere jatorriaz eta koloreaz harro egoten irakatsi zioten gineatar gurasoek.
Skakeitan taldearen azken bira Aho uhal bakarkako diskoaren promozioarekin uztartzen ari da Olatz Salvador. Emakume musikariak saretzeko proiektuetan ere inplikatu da. Arrakasta autozaintzarekin bateratzea da esku artean daukan erronketariko bat.
Bertsolari feministek borroka eremu izan dituzten plazak eraldatzen dihardute, kolektiboan ehundu duten babes-sareari esker. Nerea Ibarzabal eta Saioa Alkaiza Bizkaiko eta Nafarroako txapelketetako irabazleak elkarrizketatu ditugu BIRA kulturguneko Urdin Elektrikoan.
Ines Osinaga musikari eta plazandreari BIRA kultur gunean egindako elkarrizketaren transkripzio mutua da hurrengoa. Solasaldian zehar, Maurizia Aldeiturriaga, Lourdes Iriondo eta Kai Nakairen ahotsak zein abestiak sanpleatuz eta bertsioak eginez jantzi zuen sortzaile feminista honek bere hitz-jario bizia, gardena eta gordina.
