2020an taula gainean lehen aldiz ikusi genuenetik Maitane Sarraldek argi erakutsi du gorputzaren bidez adierazteko duen trebetasuna, bai airean bai lurrean dantzan ari denean. ‘Madre Perla’ izeneko azken ikuskizuna plazaratu berritan berarekin elkartzeko aukera izan dugu.
Gatibu taldeko abeslariaren hitzak salatu dituzte 150 euskal musikarik baino gehiagok. Alex Sarduik esan zuen musikagintzan ez dela diskriminaziorik egon.
Télameko (Argentinako albiste agentzia publikoa) Generoen eta Aniztasunak ataleko lehen editorea zen Silvina Molina, Mileiren gobernuak martxoan agentzia itxi zuen arte. Genero eskubideen urrapenaren inguruan mintzatu gara berarekin.
Argentinako eta Txileko Araceli Arguello eta Carola López payadore edo inprobisatzaileak eta Argentinako Nayla Beltrán kantaria Cantoras del Cono Sur proiektuaren parte dira. Proiektu horren helburua ahozko kantuaren tradizioak ikuspegi feminista dekolonial batetik aztertzea eta sareak sortzea da, agertokietan gertatzen diren praktika patriarkalak eraldatu ahal izateko.
Mugak Zabalduz karabana Balkanetako mugan egon da Migrazio eta Asilorako Europako Ituna (PEMA) salatzeko, eta gerraren eta haren ondorioen aurka borrokatzen diren emakumeekin bildu da.
Emakumeon sexualitateak, oro har, tabuz inguratuta jarraitzen du. Amatasunaren lehen etapetan, isiltasuna biderkatu egiten da. Erotismoa presente dago amen esperientzietan, baina talka egiten du eredu heteropatriarkal koitozentrikoarekin.
Kiosko bat, krisian, Benidormeko giri artean. Eta egunkarien atzean, txandaka, adinak eta mundu ikuspegiak desberdintzen dituzten bi lagun. Kontrastezko osagai horiekin garatu du Lizar Begoñak bere lehen eleberria: 'Mundu zitalaren kontra'.
San Frantzisko da etxebizitza turistiko gehien dituen Bilboko auzoa, eta baita etxekaleratze gehien burutzen diren auzoa ere.
Parranda egiteko gogoa zeukaten, baina espaziorik ez zuten pertsonen eskutik sortu da Iruñerriko Plazeratu.klub kolektiboa. Plazera erdigunean jarri, ikusarazi eta kuir komunitatearentzako jai seguruagoak sortzeko lanetan ari dira.
‘Aingeruak eta neskameak. Haurdunaldi subrogatuei buruzko analisi feministak’ liburua idatzi berri du June Fernandez kazetariak Susa argitaletxearen Lisipe bilduman. Gaiarekiko polarizazioaren logika gainditzera bidean hemeretzi feministari eginiko elkarrizketen bidez aldeko zein kontrako gogoetak jaso ditu.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodiguezen Los últimos románticos (Seix Barral, 2020) eleberrian oinarritutako pelikularen errodajea amaitu berri-berritan iritsi zen Birara, Urdin Elektrikora: “Miren Gaztañaga naiz, aktorea. Momentuz horra arte, gero gerokoak".
Talde sexo-disidentearekin batera, auzoko beste elkarte batzuek babesa erakutsi dute salaketara bertaratuz eta atxikimendua emanez.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon sortu zen zinema jaialdi honen nondik norakoez aritu gara.
Kattalin Minerren 'Moio gordetzea ezinezkoa zen' liburua eta haren itzulpena dira elkarrizketa honen abiapuntua, baina hori baino gehiago da aktibista transfeministaren hitzetatik eratorritakoa: trans errealitatei buruzko hausnarketa, transfobiari buruzko gogoeta eta orohar gizarte bitar honi kritika.
“Txoni” estigma langile klaseko emakume gazteen gaineko dispositibo patriarkala da; horien sexualitatea modu determinatuan bizitzeko eta espazio publikoaren erabilera moderatua egozteko aplikatzen dena. Berorrez apropiatzeak dakarren ahalduntze feminista dugu mintzagai.
Mugimendu feministak urriaren 5ean Bilboko erdigunea hartuko du: "Kalera aterako gara berriro, elkarrekin; orain arte egin duguna ospatuko dugu, eta zainduko gaituen Bilbo eraikitzen hasiko gara".
Ermuko Emakume Asanbladak Mª Rosario Arrizabalaga Urreta (Ermua 1949-2021) ekintzaile feministaren ibilbidea jaso du 'Mariarro, feminismoan bidaide eta zubigile. Memoria kolektiboa ehuntzen' liburuan. Hona hemen zazpigarren atala.
June Fernandezen azken lanean haurdunaldi subrogatuei buruzko analisi feministak aurkituko dituzue. Ertz asko ditu ordezkapen bidezko ernalketak, eta horiei heldu nahi izan die egileak liburu honetan, ezagutza alor eta ildo politiko desberdinetako euskal feministen eskutik. Hemen duzue lehen atala: abiapuntua.
Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina Gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.
Feminismo hegemoniko zuriari eta haren arraza-hierarkiei buruzko hausnarketa, emakume txinatar-ondorengo batentzat, Rafia Zakariaren ‘Against white feminism’ liburuan oinarrituta.
